မလေးရှား သင်္ဘောအုပ်စု ဖေဖော်ဝါ ရီ ၃ ရက်နေ့ မောင်တောခရီးစဉ် စတင်မည်

2017-01-17
အီးမေးလ်
မှတ်ချက်ပေးပါ
Share
ပုံနှိပ်ပါ
မွတ်စလင်တွေကို အဝတ်အထည်တွေ လှူဒါန်းနေတာ တွေ့ရစဉ်
မွတ်စလင်တွေကို အဝတ်အထည်တွေ လှူဒါန်းနေတာ တွေ့ရစဉ်
Photo: The Star Online

ရခိုင်ပြည်နယ်က ရိုဟင်ဂျာမွတ်စလင်တွေအတွက် စားနပ်ရိက္ခာတွေ တင်ဆောင်ထားတဲ့ သင်္ဘောဟာ မလေးရှားနိုင်ငံကနေ ဖေဖော်ဝါရီ ၃ ရက်နေ့မှာ စတင်ထွက် ခွာမယ်လို့ မလေးရှား မွတ်စလင် အန်ဂျီအို အဖွဲ့အစည်းတွေက ပြောကြားလိုက်ပါတယ်။

အဲဒီသင်္ဘောတွေက ဇန်နဝါရီလ ၁၀ ရက်နေ့ စတင်ထွက်ခွာဖို့ မူလက စီစဉ်ထားခဲ့ပေမယ့် မြန်မာအစိုးရဘက်က ခွင့်ပြုချက်မရတာကြောင့် ရွှေ့ဆိုင်းထား ခဲ့တာ ဖြစ်တယ်လို့ ဆိုပါတယ်။

အခုတော့ ခွင့်ပြုချက် ရသည်ဖြစ်စေ၊ မရသည်ဖြစ်စေ ဖေဖော်ဝါရီ ၃ ရက်နေ့ စတင်ထွက်ခွာမယ်လို့ ဆိုပါတယ်။ မြန်မာအာဏာပိုင်တွေထံ ခွင့်ပြုချက် ထပ်မံတောင်းခံထားပေမယ့် အကြောင်းမပြန်သေးဘူး လို့ ပြောပါတယ်။ အဲဒီသင်္ဘောတွေပေါ်မှာ ဆန်တန်ချိန် ၁၀၀၀ ကျော်နဲ့အတူ ဆေးဝါးနဲ့ တခြားရိက္ခာ ပစ္စည်းတွေ ပါဝင်မယ်လို့ သိရပါတယ်။

မြန်မာဘက်က ရေပိုင်နက်အတွင်း ဝင်ခွင့်မပြုခဲ့ဘူးဆိုရင် ဘင်္ဂလားဒေ့ရှ်နယ်စပ် တက္ကနက်ဖ်မြို့ကို သွားဖို့ စီစဉ်ထားတယ်လို့လည်း မလေးရှား မွတ်စလင် အန်ဂျီအို အဖွဲ့အစည်းတွေက ပြောပါတယ်။

ကွန်မင့်များ (0)
Share
ဆိုက်တခုလုံးသို့